– Do bëjmë qejf! – më pëshpëriti pranë veshit 700 Gramshi. – Ndoshta kemi fat dhe takojmë ndonjë njeri të egër atje! Sa qejf sikur të na zënë rob dhe të rrethuar me heshta e shigjeta të na shpien te prijësi i tyre. Mere me mend: ata s’dinë shkrim e këndim. E mësojmë prijësin e tyre të shkruajë e të lexojë gazetën dhe ai si shkëmbim do na gostisë me mjaltë ose me mish mamuthi të pjekur. Ke ngrënë ndonjëherë mish mamuthi të pjekur ti, Pipko? Unë për vete nuk kam ngrënë. Por kam dëgjuar se është shumë i shijshëm. Dhe ja ku më në fund do ta provojmë edhe ne. Te prijësi i të egërve. Sa qejf, hë? Pale që në shenjë falenderimi që do t'i mësojmë shkrim e këndim ai mund të na japë edhe gjerdanë floriri e perlash!
Keine Kommentare:
Kommentar veröffentlichen