E FSHEHTA MË E MADHE E BOTËS - roman 169 faqe
Me anë të Kronosit
djemtë shkojnë një mijë vjet në të ardhmen për të parë si jetojnë dhe me çfarë
lojërash luajnë moshatarët e tyre ku habiten me shumë gjëra.
Disku i çuditshëm i gjendur në shpellën e Ishullit
të Pabanuar u nxit kureshtjen të dinë përmbajtjen e tij. Për këtë djemtë
shkojnë dhjetë mijë vjet në të ardhmen dhe takojnë qënie superinteligjente. Më
në fund arrijnë të deshifrojnë përmbajtjen e diskut nga e cila mësojnë gjëra
nga më të pabesueshmet rreth historisë së njerëzve dhe të vetë Tokës.
Djemtë vendosin ta shpërblejnë shpikësin e Kronosit dhe pyesin teto Varvarën për
fatin e Vizitorit të Çuditshëm. Prej
saj dëgjojnë se ai vazhdon të jetë i sëmurë rëndë, në prag të vdekjes. Pasi
mësojnë diagnozën, me anë të Kronosit
djemtë shkojnë treqind vjet në të ardhmen dhe marin ilaçin për shërimin e
shkencëtarit. Kur shkojnë në klinikën ku ishte shtruar shkencëtari, mësojnë se
ai kish vdekur para tre ditësh. Me anë të Kronosit
kthehen tre ditë më pas në të kaluarën dhe flasin me shkencëtarin i cili është
në çastet e fundit të jetës. Ai nuk pranon të shërohet dhe vendos të vdesë,
duke i lënë djemve vetëm një porosi: në mbarim të pushimeve të verës dhe një
ditë para se të fillojë viti shkollor, Kronosin
ta hedhin në pus.
Tashmë pushimet e verës kanë mbaruar dhe është
dita e fundit. Përpara se të ndahen nga Kronosi,
djemtë shkojnë edhe një herë në të ardhmen dhe e shohin veten të rritur. Shohin
cilat vajza kanë marë për nuse dhe çfarë profesionesh kanë. Pipkoja e sheh
veten që tashmë është bërë shkrimtar dhe në një mbledhje me nxënësit e shkollës
u flet për Kronosin.
Pas kësaj, djemtë mblidhen te pusi i shtëpisë së
Pipkos dhe e hedhin Kronosin në të,
duke plotësuar kështu dëshirën e shpikësit të tij.
Keine Kommentare:
Kommentar veröffentlichen